Kinarit ti Malacañang dagiti kritiko ti administrasion a mangiruar ti ebidensia ken paneknekan dagiti akusasionda.
Sungbat daytoy ni Palace Press Officer Undersecretary Claire Castro kalpasan a babalawen dagiti sumagmamano a mammanday-linteg iti nagbalin a waragawag ni Presidente Ferdinand Marcos Jr. seknan ti Independent Commission for Infrastructure (ICI) ken kenuna nga iti pannakapartuat daytoy ket tapno kalluban dagiti kaalyado ti administrasion.
Dinakamat met ni Castro a ni sigud a Senador Bong Revilla ket karaman kadagiti kandidato ti administrasion idi napalabas nga eleksion.
Nakita met no kasano iti kinaado dagiti ebidensya ken dagiti dokumento a nakalap ti adminsitrasion.
Impaganetget na pay a nalabit ket dagiti kongresista iti rumbeng a madamag no anya ti naaramidda tapno ipapartak iti pangbalin a linteg ti kiddaw nga Independent People’s Commission Act a paset iti priority legislation ni Presidente Marcos.
Kenuna pay ti Palasyo nga adda dagiti dadduma a tao a saan a kontento iti ar-aramidenen ti Presidente uray makitkita met iti panagpursigena ken ti administrasion tapno malapdan iti korapsion kangrunaan iti isyu ti flood control.###
