Inawagan ni Public Works Secretary Vince Dizon a “medyo makapal ang mukha” iti waragawag ti contractor a ni Pacifico “Curlee” Discaya nga arigna isuda iti “mataktakawan” kalpasan a damagen ti Department of Justice no mano iti naisublina iti gobierno.
Inaramid ni Discaya iti waragawag iti panagdingeg ti Senate Blue Ribbon Committee mainaig iti maipagarup nga anomalya kadagiti flood control projects.
Segun kenni Dizon, rumbeng a sanguen ni Discaya ken ti kampona dagiti kaso a naipila kontra kenkuana ken isubli iti kuarta dagiti umili.
Kenuna met ni DOJ Prosecutor General Richard Fadullon a kasapulan pay a paneknekan ni Curlee ken Sarah Discaya iti kredibilidad dagiti waragawagda sakbay a pagsaritaan iti aniaman a restitution wenno inclusion ti Witness Protection Program.
