Imbutaktak ni Department of Interior and Local Government Secretary Jonvic Remulla a planplanuen na nga agturong idiay Portugal, ti pagilian a mapapati a paglemlemmengan ni sigud nga House Appropriations Chairman Zaldy Co.
Iti maysa nga interview, kenuna ni Remulla nga agkidkiddaw isuna ti pammalubos manipud kenni Presidente Ferdinand Marcos Junior tapno palubosan isuna nga agbiahe.
Aginggana iti agdama, awan pay ti sungbat ni Presidente Marcos ngem tarigagayna nga iti kabiitan a panawen ket makabiahe daytoyen iti nasao a pagilian.
Maysa kadagiti kangrunaan a target ti sekretario ket makasarita dagiti asideg kenn Zaldy Co.
Inadmitir ti sekretario a no mapalubosan nga agbiahe ket masarakan na sadiay ni Zaldy Co ket awanen ti sabali nga aramidenna uray kayatna daytoy a maarestar.
Napagsaludsodan met ti sekretario no makisarita isuna kadagiti otoridad dagiti Portugues ngem kinunana nga iti agdama, awan pay ti konkreto a nakalinya nga addang no mapalubusan.###
