Nasaripatpatan ken naidokumento ti kaunaan a gundaway iti maysa a Coyote nga aglanglangoy agturong idiay Alcatraz Island.
In-video ti turista daitoy ken inbinglay met ti maysa nga empleyado ti Alcatraz ken inalerto dagiti Rangers ngem napaay da a mabiruk iti ayup.
Segun kadagiti eksperto, mabalin a makalasat iti coyote idiay Alcatraz gappuanan ta adda met iti umdas a taraon ken nalinis a mainom.
Mapatta-patta a nadanon daitoy ti San Francisco wenno Angel Island – kayat a satwen ket agarop maysa a milya ti nalangoy na.
Kinumpirma dagiti opisyales a daitoyen ti kaunaan a gundaway a naidokumento ti maysa a coyote a nagturong idiay Alcatraz ken naparegta dagiti tattao nga ikkan ti espasyo ken panawen ti ayup kabayatan ti kaadda na sadiay.
