Inwaragawag ti Philippine National Police (PNP) a maipagarup nga hired gunman iti nangisayangkat ti ambush kontra kenni Shariff Aguak Mayor Datu Akmad Ampatan Sr. iti ngudo ti lawas, maibasar kadagiti umuna a resulta ti imbestigasion.
Segun kenni PNP spokesperson Police Brigadier General Randulf Tuaño, agparparang iti umuna nga ebidensia a dagiti suspek ket agkakabagian ken mabalin a nakontrata tapno ipatungpal iti panagatake.
Maysa kadagiti kangrunaan a suspe ket nabigbig iti alias a “Raprap,” ket addaan ti criminal record ken nainaig kadagiti sumagmamano a nadagdagsen a krimen.
Nakalasat ti mayor kalpasan a napaay iti rocket-propelled grenade a simrek iti bulletproof a luganna, idinto a dua kadagiti security escort-na iti nasugatan ngem addada itan ti nasayaat a kondision.
Iti follow-up operation, napatay dagiti polis ti tallo kadagiti uppat a suspek, agraman ti maipagarup a lider ti grupo, kalpasan ti enkuentro.
Nangbukelen ti PNP ti maysa nga special investigation task group tapno maipangpangruna iti kaso, a segun kadagiti otoridad ket maikapat a panaggandat a panangpapatay iti mayor.
Agtultuloy a taktakuaten dagiti imbestigador iti motibo ti ambush ken no siasino ti nangibilin iti panagatakar.###
