LA UNION – Balligi nga insayangkat ti La Union Police Provincial Office (LUPPO) babaen ti panangidaulo ni PCol Redentor C. Ulsano a nagserbi kas Guest of Honor and Speaker, iti One-Stop Shop dagiti Frontline Government Services para kadagiti PNP Personnel ken ti Dependents-da idiay SM City La Union, Barangay Biday, City of San Fernando idi kalman, Enero 27.

Pakabuklan a 726 PNP Personnel, PNP Dependents, PNP Retirees, ken Walk-in Civilian Clients iti naserbian ti One-Stop Shop.

Naidiaya dagiti napapateg a serbisio manipud kadagiti frontline agencies ti gobierno kas iti NAPOLCOM R01, Department of Foreign Affair R01, Philippine Statistics Authority R01, PhilHealth La Union, Social Security System La Union, ken PAG-IBIG Fund La Union.

Malaksid kadagiti frontline agencies, nangipaay met ti serbisio dagiti frontline units ti pulisya kas iti Regional Civil Security Unit 1, Regional Highway Patrol Unit 1, Regional Anti-Cybercrime Unit 1, PNP Retirement and Benefits Administration Unit 1, City of San Fernando CPS for National Police Clearance, Regional Recruitment and Selection Unit 1, CSFPS Women and Children Protection Desk, Human Rights Affairs Office (HRAO), ken Provincial Medical and Dental Team.

Sinuportaran dagiti private partners ken stakeholders iti aktibidad karaman ti Public Safety Mutual Benefit Fund, Inc. (PSMBFI), Armed Forces and Police Savings and Loan Association, Inc. (AFPSLAI), Public Safety Savings and Loan Association, Inc. (PSSLAI), Armed Forces & Police Mutual Benefit Association, Inc. (AFPMBAI), ken Air Materiel Wing Savings and Loan Association, Inc. (AMWSLAI).

Nagbalin a naannayas, naurnos, episiente iti , ken naitampok iti napigsa nga inter-agency collaboration ken ti panagkumit ti LUPPO iti pakaseknan dagiti personnel, kagiddan ti PNP Founding Anniversary.

Panggep ti aktibidad a makaipaay ti accessible, naintiempuan, ken komprehensibo a serbisio kadagiti personnel ken ti pamiliada, bayat a pap-papigsaen ti pulisya iti dedikasion para iti nasayaat a serbisio, kolaborasion kadagiti partner agencies, ken holistic personnel support.###