Ibilang itan ti Iran kas terorista a grupo dagiti European Union (EU) armies a nangikabil iti Islamic Revolutionary Guard Corps (IRGC) iti listaan dagiti terorista nga organisasion, segun ti Iranian parliament speaker a ni Mohammad Baqer Qalibaf.
Idi Huebes, nangmarka ti EU ti maysa nga historikal a panagbalbaliw ti polisiya maibusor ti Iran, kalpasan nga indeklarada a maysa a terorista nga organisasion iti IRGC.
Daytoy ket kasaruno ti kadaraan a crackdown ti Islamic Republic kontra kadagiti protesta sipud idi naipasdek iti pagilian idi 1979.
Innayon ni Qalibaf, maitunos ti Article 7 iti linteg ti Iran kontra iti panangideklara kadagiti Revolutionary Guards kas maysa a terorista a grupo, maibilbilang metten a terorista nga organisasion iti militar dagiti pagilian ti Europa.
Kinunana pay a pagsasaritaan ti parliamentary Commission on National Security iti posible a panangpapanaw kadagiti military attachés ti EU idiay Iran ken makiuman iti Ministry of Foreign Affairs.
Pagaammo nga iti Islamic Revolutionary Guard Corp ket naipasdek kalpasan ti 1979 Islamic Revolution tapno depensaan iti sistema nga idadauluan dagiti Shi’ite clerics.
Iti agdama, dakkel iti impluwensia ti IRGC idiay Iran, gapu ta kontrolado daytoy ti dakkel a paset ti ekonomia ken puersa armada ti pagilian.###
