Namnamaen a ngumato iti demand ken panaglakuan dagiti stuff toys ken dagiti dadduma pay a gift items ita a bulan ti Pebrero.
Segun ti maysa a negosyante a nakauman ti Bombo Radyo La Union dito’y merkado publiko ti San Fernando La Union, namnamaen da a ngumato iti demand gapu ta adu dagiti lallaki a gumatang ti Teddy bears a maipares kadagiti sabong.
Kadawyan nga aggapo idiay Manila iti supply ken no anya iti presio a maited ket isu met iti suruten da a presio.
Adda dagiti gundaway nga agkurang ti supply gapu ta adda dagiti flower shops a mangal-ala ti teddy bears kenkuada.
Kas sungbat ket agorderda a nasapsapa wenno uppat nga aldaw sakbay ti mismo nga aldaw a pannakasapulna.
Ti dua a kadapan a teddy bear ket magatang ti 380 pesos ken ti kanginaan ket 550 para ti katayag a 3ft. ngem mabalin pay daytoy a matawaran.
Imbinglay na pay nga hypoallergenic ken nalaka laeng dagiti lako na.
Kabayatanna agtultuloy met iti panagallukoy ni Espenueva kadagiti agin-innayat nga bisitaen da ti pwesto na gapu ta maited na iti best price, ken mabalin pay a mabawasan dagiti presyo ti tagilako na.###
