Impaganetget ni Department of Interior and Local Government (DILG) Sec. Jonvic Remulla a saan latta a pugante ni Senador Ronald “Bato” Dela Rosa.
Inlawlawag ti opisyal nga awan pay warrant of arrest kontra kenni Dela Rosa kasta met nga iggem a kopya ti Department of Foreign Affairs, DILG, ken Palasyo ti Malacañang.
Laksid daitoy ket ammo inbinglay ni Remulla nga agduldulin idiay Davao ti senador a sigud pay a nagserbi kas hepe ti Philippine National Police (PNP), nupay abandonado payen ti pagtaengan na sadiay Cavite.
Imbutaktak na pay a ginandat a makikoordinar ti kampo ni Dela Rosa tapno ipadanon nga awan ti kopya ti gobierno ti International Criminal Court (ICC) warrant kontra kenkuana.
Kabayatanna, daitoyen ti maikauppat a bulan a saan a rimrimuar iti publiko ni Senador Dela Rosa manipud idi ibutaktak ni Ombudsman Jesus Crispin Remulla ti maipangggep ti ICC arrest warrant.
Mainaig iti daitoy, saan met latta nga ilaklaksid ti Sekretaryo nga amangan adda nga talagan iti warrant ngem iggem paylaeng daitoy ti ICC.
