Nangisayangkat ti Russia ken Ukraine iti panagsinnukat dagiti prisoners of war ken dagiti sibilian.
Napasamak daytoy kalpasan ti dua nga aldaw a peace talks iti nagbaetan ti Ukraine ken Russia a naangay idiay Abu Dhabi.
Pakabuklan a 157 dagiti nakaawid nga Ukrainians ken pito kadagitoy ket sibilyan bayat a 157 met a suldado ti Russia.
Daytoy ti umuna a prisoners swap dagiti dua a pagilian iti uneg ti uppat a bulan.
Sakbay ti napasamak a panagsinnukat ket naaddaan iti panagsarita dagiti nangibagi ti Estados Unidos, Russia, ken Ukraine tapno naan-anay a malpas ti uppat a tawen a riribuk.
Mano metten a daras a nangisayangkatda ti panagpapatang ngem saan a naaddaan ti konkreto a plano tapno naan-anay a magibusan iti riribuk.###
