LA UNION – Agarop 12:10 ti tengnga’t aldaw ita laeng a Martes ket napasamak iti aksidente ti kalsada iti kawatiwatan ti Barangay Bagbag, Bauang, La Union.
Dagiti karaman ti aksidente:
V1: Black-Red Yamaha Sight 115 a kukua ni Benjamin Sagun Payongayong, 59-anyos, addaan asawa, maysa a Barangay Kagawad, addaan lisensya, ken residente metlaeng iti nasao a barangay
V2: Dark Steel Mica Toyota Hilux a nakarehistro iti nagan a Nonatus F. Torio nga imanmaneho ni Eric Blazo Abellera, 52-anyos, addaan asawa, retirado a miembro ti Philippine National Police, addaan lisensya; ken residente ti Barangay 598 Cocoy, Ananayo Street, Rock Quarry Upper Baguio City, Benguet
V3: Polar White L300 Van a nakarehistro iti nagan a Marcelo Gonzales Salvador Junior nga minaneho ni Christian Lorilla Padilla, 30-anyos, driver, addaan lisensya; ken residente ti Las Piñas, Peñaranda, Nueva Ecija
V4: Green Suzuki Smash 115, kukua ken minaneho ni Richard Navidad Navalta, 25-anyos, awanan asawa, maysa a lending collector, addaan lisensya; ken residente ti Barangay Bari, Mangaldan, Pangasinan
Agparparang iti imbestigasyon ti Bauang Police Station a sakbay ti insidente, nakaparada iti V1 ken V2 nga awan iti driver da ti agpa-abagatan nga outer lane ti national highway.
Kabayatan a pasungad iti V3 iti agpa-abagatan metlaeng a direksyon, apagapaman a nakaridep wenno nakaturog iti driver isu a naikabig na daitoy pakannawan ken nadungpar na iti nakaparada a V2.
Gapo iti kapigsa iti dungpar ket nagpasango iti V2 ken karaman a nasagid na iti V1.
Kabayatanna, ti V4 nga adda iti likudan ti V3 ket saan a napakadaan iti pasamak isu a nadungpar na met iti kasarsaruno na.
Naipullasit ti driver ken nagsagaba ti nagduduma a dunor ti paset ti bagi na. Naipit met ti driver iti V3 ken maysa met a napakaroan. Agpada dagitoy a naiturong idiay Ilocos Training and Regional Medical Center para iti medikal a pannakataming.
Awan pay iti eksakto a gatad ti perdisyon dagiti karaman a luglugan bayat pinasingkedan ti imbestigasyon a nasayaat met iti kondisyon idi napasamak ti daitoy ken HUMAN ERROR iti makitkita a rason ti aksidente.
