Maseknan ti House Senior Deputy Minority Leader ken Mamamayang Liberal Party-list Representative a ni Leila De Lima iti waragawag ti bagito a mamanday-linteg a ni SAGIP Party-list Rep. Paolo Marcoleta seknan iti issue ti West Philippine Sea ket kinuna a saan nga usto dagitoy.
Nagpanawagan ni De Lima ti pada na a mamanday-linteg ken kadagiti amin a lider ken dagiti Pilipino nga agmaymaysa ken ilaban ti kabaybayan.
Maipalagip a kinuna ni Representative Marcoleta nga isuda Commodore Jay Tarriela ti Philippine Coast Guard ken nalalastog a senador ti irubo apaman mangraut iti China tapno laeng maamwan nu kasatno iti kinatured da.
Kas sungbat ket inlawlawag manen ni De Lima nga awan ti siasinoman a mangayat ti giyera kontra ti aniaman a pagilian kasta met a saan a Pilipinas ti mangkarkarit ti riribuk.
Kamauddian ket nagpanawagan isuna ti panagkaykaysa imbes a kumadwa iti bully a pagilian, abusado, ken agum iti teritoryo.
