Tarigagay ti Chinese Embassy a ti Department of Foreign Affairs (DFA) ti mangimaton kadagiti tension ken panagrang-ay ti pakabuklan a bilateral relationship da ditoy Pilipinas.
Daitoy ket iti kangitingitan dagiti nabara a waragawag ti Chinese diplomats ken opisyales ti Pilipinas a nagtaud iti panagpatol ti China iti panangusar ti caricature kenni Chinese President Xi Jinping.
Sinungbatan ti Chinese embassy ti panangallukoy ti DFA Maritime Affairs spokesperson a ni Rogelio Villanueva Jr. iti embahada nga agbalin a konstruktibo kadagiti waragawag da.
Napagammoan nga ipatpateg ti Chinese Embassy ti maysa a pudno a konstruktibo a dayalogo ti DFA nga addaan iti agpada a panagraem.
Impabasol pay ti embahada ti kallabes a sinnukat kadagiti argumento ti Chinese Embassy ken opisyal kasta met institusyon ti Pilipinas iti mapapati a panagraut ken panangdadael ni Philippine Coast Guard spokesperson for the WPS Commodore Jay Tarriela iti China ke ti Presidente da.
Inkalintegan ti embahada a pulos a saan nga isuda iti immuna a nangraut nu di ket simmungbat laeng, iti kapada a kalmado a wagas, ken propesyunal, a panangdepensa iti interes ken dignidad ti China.
