Nangisayangkat ti Regional Training Center–La Union (RTC-LU) ti Philippine Coast Guard (PCG) iti aktibidad a panagmula ti mangrove idi Pebrero 11, 2026 idiay Bauang Bakawan Eco-Tourism Park kas paset ti adbokasiya, a panang-salaknib ti aglawlaw ken pannakapabileg ti komunidad iti igid ti baybay.
Aganay 100 a semilia ti mangrove ti naimula iti uneg ti eco-park.
Segun iti liderato ti Regional Training Center–La Union, saan laeng a simple nga aktibidad ti panagmula iti mangrove ngem ketdi napateg nga addang para iti pannakaisubli ken pannakapapigsa ti coastal ecosystems ditoy probinsiya.
Napateg ti akem dagiti mangrove iti aglawlaw agsipudta dagitoy ket addaan kabaelan a lapdan iti panagreggaay ti igid ti baybay, sagep-sepenna iti carbon dioxide a makatulong iti panang-kissay iti panagbalbaliw ti klima, ken mangipaay ti pagnaedan dagiti nadumaduma a kita ti ikan ken gameng iti baybay a napateg iti pagbiagan dagiti mangngalap.
