Agtultuloy ti panagrikos ni Department of Public Works and Highways Secretary Vince Dizon tapno bisitaen dagiti natantan a proyekto pang-imprastraktura ti gobierno ditoy Rehion Uno.
Iti panagbisita ti DPWH Secretary iti naangay nga “Usaping Budget Natin” ita nga aldaw idiay ili ti Bacnotan ket minaysa-maysa na dagiti proyekto ditoy probinsiya ti La Union a saan pay a nalnalpas a kas kadagiti bypass roads, rangtay, ken uray dagiti kontrobersyal a flood control projects.
Ipalpalista ni Secretary Dizon kadagiti Regional Directors ken District Engineers dagiti imprastraktura a saan pay a nalpas tapno maiyaramidan iti wagas nu kasatno dagitoy a mapalpas ken ti pamay-an iti panagpondo.
Imbilin na met iti pannakaisayangkat ti massive dredging ken panagdalus kadagiti gubuayan a pagdalanan ti danum sakbay pay a dumteng ti panawen ti panagtutudo.
Impaganetget na a nasken ket malpas ti am-amin a natantan a proyekto nu kasta ket mausar dagitoyen ti publiko.
Kabayatanna, inbinglay na met nga agtultuloy latta ti imbestigasion idiay Ombudsman seknan kadagiti maanomalya a flood control projects.
