Kinuwestyon ti kampo ti siguda a Senador Bong Revilla Jr. ti manipestasyon nga insubmitir dagiti pada na a respondent ti kaso a plunder.
Naklaat ni Atty. Francesca Señga agsipud ta saanen a nangisubmitir pay ti kontra-salaysay da sigud a DPWH Undersecretary Roberto Bernardo, Engineer Henry Alcantara, ken ni Gerard Opulencia.
Iti naisayangkat a preliminary investigation idi kalman ket dimmar-ay amin nga respondents ken ni Revilla laeng ti nangipatulod ti counter-affidavit.
Nangipadanon met ti manipestasyon dagiti dadduma a nagkuna a saan da nga agsungbat iti reklamo agsipud adda dagitoy iti sidong ti Witness Protection Program kas state witnesses.
Iti biang da Revilla, saan a nainkalintegan iti kastoy agsipud ta posible nga isuna laeng ti makasoan kadagiti napilaan ti reklamo. Nagkedked metten a mangipaay pay kadagiti sentimiento da da Bernardo ken Alcantara.
