Pinagkedkedan ti Pre-Trial Chamber I ti International Criminal Court (ICC) iti apela ti defense team ni sigud a Presidente Rodrigo Duterte a baliktaden iti desisyon a mangibagbaga nga isuna ket “fit” wenno adda ti kabaelan a makipaset iti pre-trial proceedings.
Iti desision a nairuar idi Biyernes, Pebrero 13, kenuna ti chamber nga iti argumento ti depensa, a mabalin a kumaro iti salun-at ni FPRRD kabayatan iti panagdur-as ti proceeding ket maysa laeng nga haka-haka ken ispekulatibo.
Inlawlawag ti ICC nga iti umuna a desision idi Enero 26, 2026 mainaig iti kabaelan na a sumango ti pre-trial proceedings ket saan pay a final judgement.
Immunan nga inbatad ti kampo ni Duterte a saan nga naikalintegan iti proseso ken maipagarop a natagiawan iti “objective facts” a panagkapsot ti memoriya ni Duterte.
Nagpakdaar ti depensa a mabalin a maapektaran iti intero a proseso nu agtultuloy iti panagdengngeg ti confirmation of charges bayat a saan a na-exercise ni Duterte dagiti karbengan na.
Kabayatanna, kasaruno ti desisyon ti ICC iti petisyon ti kampo ni Duterte, makitkita nga mangited-dalan daitoy tapnu dumur-as iti kaso ken agpursige iti nakaituding a confirmation of charges hearing inton Pebrero 23.
