Binabalaw ni Mamamayang Liberal Party-list Representative Leila De Lima iti maipagarop a panangaywan ni Senador Rodante Marcoleta iti interest ti China.
Segun kenni De Lima, laksid a kumampi iti Pilipinas ken opisial ti pagilian ti baro a senador ket kasla pumabpabor pay isuna iti China – ken maipagarop nga ilablaban na iti nasao a pagilian kas iti interest daitoy iti West Philippine Sea.
Saan metten a pinagduaduaan ni De Lima iti bansag ti sumagmamano a Pilipino kenkuana kas ‘Tsinador’.
Kenuna iti mamanday-linteg, ‘welcome’ iti mailutluto a ‘friendly debate’ iti nagbaetan da Marcoleta ken sigud a Supreme Court Associate Justice Antonio Carpio tapnu aglalo a maaddaan ti nalawa a pannakaamo iti West Philippine Sea ken maipakita nu sino iti umno nga mangay-ayat ken mangipatpateg iti Pilipinas.
Pabor met ni De Lima a sangwen ni Carpio ni Marcoleta tapnu pagsasaritaan iti karbengan ti pagilian iti pagapapaan a kabaybayan, banag a pamilyar ken bihasa iti sigud a mahistrado ti Korte Suprema.
Sinublianan met ni De Lima iti panagbalin a miembro ni Carpio iti delegasyon ti Pilipinas a simmango iti Arbitral Tribunal idiay The Hague, Netherlands tapnu takderan iti claim iti WPS, a naipangabak ti pagilian.
