Tinamaan dagiti drone strikes ti Iran ti Embahada ti Amerika idiay Saudi Arabia, kas maibasar kadagiti dua a mapagtalkan a source a pamilyar iti insidente.
Iti agdama ket awan pay ti inisyal a damag ti natay kadagiti panangibales ti Iran.
Karaman dagiti drone strikes ti US Embassy idiay Riyadh, Saudi Arabia kadagiti US military ken diplomatic installations a tinarget ti Iran kontra “Operation Roaring Lion” ti US ken Israel, a nakatayan ti Supreme Leader da a ni Ayatollah Ali Khamenei.
Segun ti US Mission idiay Saudi Arabia, nangipaulog da ti “shelter in place notification” para ti Jeddah, Riyadh, ken Dhahran. Nilimitaran da payen dagiti non-essential travels kadagiti aniaman a military installations iti rehiyon.
Nagballaag met dagiti umili ti Estados Unidos nga agnanaed ita idiay Kingdom of Saudi Arabia a dagos nga abakwit kadagiti natalged a shelters.
Maipalagip nga immun-una a tinirwan dagiti drone strikes ti US Embassy idiay Kuwait idi Domingggo ken Lunes.
