LA UNION – Nagtitipon dagiti estudyante ti San Fernando South Central Integrated School tapno aggigiddan a luktan dagiti alkansyada idi Marso 6, 2026.
Paset ti aktibidad iti ‘Ipon Challenge’ para ti School Year 2025-2026, maysa nga inisiatiba ti Schools Division office of San Fernando City, La Union nga idadauluan ni Dr. Sheila Marie Primicias, Schools Division Superintendent ken iti liderato ni Dr. Rodrigo Panit Jr.
Nakaur-orda ti pakabuklan nga ₱897,829.45 – maysa a pammaneknek ti mano bulan a disiplina ken dedikasion iti panagurnong.
Intampok ti balligida nga iti nasapa a panagurnong ket saan laeng a mangpatibker iti responsibilidad pangpinansial no di ket iti naranranyag a masakbayan ti tunggal agad-adal.###
