Nagbalinen a tropical depression wenno bagyo iti Low Pressure Area (LPA) a mabanbantayan iti ruar ti Philippine Area of Responsibility (PAR).
Segun ti ahensia, agtultuloy ti monitoring iti garaw ti bagyo uray saan pay a simrek gapu ta mabalin a makaapektar daytoy iti kasaad ti panawen kadagiti masungad nga aldaw.
Maibasar iti datos ti weather bureau, ti tropical depression ket addaan iti kapigsa ti angin a 45 kilometro tunggal oras asideg ti tengnga ken kapegges nga agingga 60 km/h.
Manamnama nga aggunay daytoy pa-laud amianan-a-laud ken posible a sumrek iti PAR iti las-ud ti maysa aginggana dua nga aldaw.
No makastrek ket maipaayan daytoy ti lokal a nagan kas maitunos iti listaan dagiti bagyo ita a tawen.
Binalakadan dagiti ekperto iti publiko nga agtalinaed a nakatutok kadagiti opisial a waragawag ken saan dagus a mamati kadagiti saan a beripikado nga impormasion.
Innayon pay ti ahensia, iti pannakabukel ti tropical depression iti ruar ti PAR ket indikasion dagiti nasapsapa nga aktibidad ti bagyo ita a tawen, a kadawyan a manamnama iti katengngaan ti Hunyo.###
