Nakitaripnong ni Presidente Ferdinand R. Marcos Jr. kenni United Nations Secretary General António Guterres sadiay UN Headquarters idiay New York City tapno dakamaten dagiti nagduduma nga isyu, pakairamananen ti kandidatura ti Pilipinas para ti maysa a non-permanent seat iti United Nations Security Council.
Napatibker ti bilateral talks da Presidente Marcos ken Secretary-General Guterres ti nabayagen a koordinasyon ken panagtinnulong ti Pilipinas ken iti sangalubongan nga organisasyon.
Ti kandidatura ti Pilipinas para ti maysa a non-permanent seat sadiay UN Security Council (UNSC), nu sadino maangay ti eleksyon na inton Hunyo 3, 2026, ket agserbi kas kanayunan a pampatibker daitoy a koneksyon.
Maudi a nagsarak da Presidente Marcos Junior ken ni Secretary-General Guterres idi pay Oktubre 2025 iti sidelines ti Association of Southeast Asian Nations Summit and Related Summits a naangay met idiay Kuala Lumpur, Malaysia.
Kadwa ni Presidente Marcos da Foreign Affairs Secretary Maria Theresa P. Lazaro, Philippine Permanent Representative to the United Nations in New York, Ambassador Enrique A. Manalo, Philippine Ambassador to the United States, Jose Manuel G. Romualdez, ken Acting Presidential Communications Office Secretary Dave M. Gomez.
