Inaklon ni Gigi de Lana a na-diagnose isuna nga addaan ti pericarditis, sumagmamano nga aldaw kalpasan a makarikna ti panagkapsut iti maysa a gig idiay Samal, Davao del Norte.
Iti maysa a Facebook Live, inladawan ti singer nga iti pericarditis ket panagmaga iti lining ti puso a rason ti kellaat a panagsakit iti barukong.
Kenunana a dadduma ket makapadpadas isuna dagiti chest pain wenno “attack” nga awan ti aniaman a senyales.
Binalakadan ti singer dagiti tagasuportana a saan nga agdanag gapu ta agtultuloy isuna nga i-monmonitor dagiti doctor.
Segun ti management nga iti rason ti pannakapukaw ti puotna ket gapu ti “extreme fatigue.”
Saan met a daytoy iti umuna a daras a naawanan ti puot ni Gigi iti stage. Maipalagip nga idi Mayo 2023 ket natalimudaw isuna bayat nga agperperform ti kanta a “Noypi” idiay Paoay, Ilocos Norte.
