Pinagkedkedan ni U.S. President Donald Trump dagiti diplomatic efforts dagiti sumagmamano a Middle East mediators tapno mangrugin ti ceasefire talks iti Iran, segun iti report.
Nangrugi iti kumarkaro a tension idi Pebrero 28, kalpasan a mangisayangkat iti Estados Unidos ken Israel ti nalawa nga air assault kontra Iran. Kas sungbat, nagibales ti Tehran babaen ti nalawlawa a gubat a nakaigapuan ti pannakatay dagiti ado nga indibidual ken nangpakaro iti tension iti intero a lubong.
Inserra pay ti Iran iti Strait of Hormuz a maysa a kangrunaan ruta ti sangalubongan a supply ti lana, a nangigubuay ti pannakaitantan dagiti global oil shipments.
Iti laksid ti maulit-ulit a panagregget dagiti sumagmamano a pagilian, karaman ti Oman, tapno maluktan dagiti diplomatic channels, maipagarup a nalawag a saan nga interesado ti Trump administration iti ceasefire negotiations iti agdama gapu ta nakapamaysada iti military pressure tapno pakapsuten iti bileg ti Iran.
Kabayatanna, kenuna pay dagiti source a pinagkedkedan ti Iran dagiti singasing a ceasefire aginggana saan nga agsardeng dagiti airstrikes ti America ken Israel, ken saan a masungbatan dagiti dawdawatenda a compensation.
Bayat a kumarkaro ti tension, agtultuloy nga agpanpanawagan dagiti lider ti nadumaduma a pagilian ti ceasefire ken mediation. Nupay kasta, awan pay ti nalawag a progreso iti lumawlawa a rinnupak.###
