Pinaregta ni Pope Leo dagiti Christian political leaders a responsable iti panagrugi dagiti armado a pannakigubat a sukimaten iti konsensyada ken agpaisidong iti confession wenno panagkumpisal.
Iti panagbitlana iti panagtitipon dagiti padi idiay Vatican City, kinarit ti Santo Papa dagiti lider no pudno a sursurotenda dagiti pannursuro ni Hesukristo.
Daytoy a waragawag ket kasaruno iti agtultuloy a panawagan ti Santo Papa nga isardeng iti giyera ti Iran a nagtaud iti joint airstrikes ti Estados Unidos ken Israel idi Pebrero 28.
Maipalagip a dimmakkel ni US President Donald Trump iti pammati a Kristiano, idinto a Katoliko met dagiti nangato nga opisialna a da Bise Presidente JD Vance ken Secretary of State Marco Rubio.
Kabayatanna, immuna nga impaganetget ni Washington, D.C. Cardinal Robert McElroy nga iti panagraut ti Estados Unidos ken Israel idiay Iran ket ‘not morally legitimate’ gapu ta saan daytoy a pimmasa iti pagrukodan ti Catholic Church mainaig iti nalinteg a gubat.###
