Pinasingkedan ti Malacañang a timmulong iti gobierno ti Singapore iti pannakaiyakar dagiti 24 nga Overseas Filipino workers (OFWs) manipud idiay Jeddah, Saudi Arabia kalpasan a nangipatulod iti repatriation flight para kadagiti kailianda na-stranded gapu iti pannakasinga dagiti flights iti agtultuloy a tension idiay Middle East.
Segun kenni Singapore Ambassador to the Philippines Constance See, nangipatulod iti Republic of Singapore Air Force (RSAF) ti eroplano nga A330 Multi-Role Tanker Transport idi Marso, 12, 2026 tapno makaawid dagiti Singaporean manipud Jeddah.
Kalpasan a napalubosan nga umuna nga aglugan dagiti taga-Singapore ken dagiti pamiliada, napalubosan met dagiti sumagmamano a ganggannaet a pakairamanan dagiti 24 a Filipino.
Simmangpet iti eroplano idiay Singapore idi Marso 13, agarup 5:59 ti bigat.
Kenuna ti ambassador a nagbalin a posible daytoy iti koordinasion ti Department of Foreign Affairs (DFA) ken ti Philippine Consulate General idiay Jeddah tapno nalaka iti pannakairaman dagiti Pilipino iti nadakamat a flight.
Segun ti Singapore, iti addang ket mangipakpakita ti solidarity dagiti pagilian iti ASEAN, nga agtitinnulong dagiti agkakarruba a pagilian iti panawen ti krisis tapno masigurado a natalged a makaawid dagiti umili iti pamiliada.###
