Pinaregta ti Land Transportation Franchising and Regulatory Board (LTFRB) dagiti sumagmamano a transport group a mangisubmitir ti petision maipapan iti kanayunan a plete.
Segun kenni LTFRB chairman Vigor Mendoza, silulukat iti ahensiada a mangsukimat manen iti sumagmamano a petision.
Innayonna a no makita dagiti dadduma a transport group a bassit iti naaprobaran a kangato ti plete, mabalinda iti mangipila ti petision.
Maipalagip a binabalaw ti grupo a Samahang Manibela, Mananakay at Nagkaisang Terminal ng Transportasyon (Manibela), ken Pagkakaisa ng mga Samahan ng Tsuper at Operator Nationwide (Piston) iti piso a panagngato ti plete gapu ta saan nga umdas daytoy nangruna iti panagngato ti presio dagiti produkto ti petroleo.###
