Imbutaktak ti maysa a Pilipino a naarestar gaputi maipagarup nga espionage, a naibaon isuna a mangipaay ti impormasion maipapan iti operasion ti Philippine Navy ken Philippine Coast Guard iti West Philippine Sea, kasta met ti Balikatan Exercises.
Ti suspek a nabigbig iti alyas a “Danny” ken maysa kadagiti tallo a Pilipino a sumangsango iti kaso nga espionage para iti China.
Kinunana nga idi damo ket impagarupna a maysa nga American journalist iti makasarsaritna, ngem idi agangay ken nagturong iti panagdawat dagiti sensitibo nga impormasion.
Im-imbestigaran pay laeng dagiti otoridad iti kaso bayat nga agtultuloy iti panaginget iti seguridad mainaig dagiti aktibidad iti West Philippine Sea ken dagiti joint military exercises ti pagilian.###
