Nangited ti senyales ni US President Donald Trump nga asidegen a maragpat ti America iti panggepda maibusor iti Iran, isu nga ikonkonsiderardan ti in-inut a panangikkat ti puersa ti America idiay Middle East.
Nupay kenunana a “nangabaken” iti America, nangigubuay ti pannakariro iti naggiddan nga addang ti White House ken Pentagon a mangipatulod ti kanayunan a 2,500 Marines ken amphibious assault ships, a mabalin a senyales ti panagsagana para iti ground assault iti Kharg Islands, a napateg iti oil export ti Iran.
Saan met a binigbig ti Iran iti deklarasion ti panagballigi ni Trump ken nangisayangkat ti missile strikes idiay Diego Garcia ken kadagiti siyudad ti Israel.
Nupay naipaganetget a nadadael dagiti pasilidad sadiay Kharg Island, agtaltalinaed nga aktibo iti missile capabilities ti Iran, isu nga iti kanayunan a puersa ti Pentagon ket mangpakpakaru laeng ti tension iti rehion.###
