Pinasingkedan ni Sherwin Gatchalian a mangisayangat ti panagdingngeg iti Senate Ad Hoc Committee inton Marso 24 tapno matalantan iti epekto ti kumarkaro a tension idiay Middle East ditoy Pilipinas.
Panggep ti komite a sukimaten no umdas iti pondo iti General Appropriations Act 2026 tapno sungbatan iti krisis, nangruna iti panagngato ti presio ti lana a direkta a nangapektar kadagiti driver ken motorista.
Naipaganetget met iti posible a pangta iti food security, nangruna no agserra iti Strait of Hormuz — maysa a napateg a ruta para iti langis, natural gas, ken fertilizer.
Iti laksid ti break ti Kongreso inton Holy Week, naituloy iti hearing gapu iti dagos a pagkasapulan ti panagtignay.
Masapul nga agsubmitir dagiti ahensia ti gobierno kadagiti contingency plans, kas panagsagana iti worst-case scenarios.
Insingasing pay ni Gatchalian iti panagtipid ti gobierno, kas iti panangkissay ti panagbiahe, panagusar ti online training, ken pananglimitar kadagiti representation expenses, a mabalin nga agresulta ti aginggana ₱90 billion a pannakatipid.
Kabayatanna, nagpanawagan isuna kadagiti oil companies a saanda a gundawayan iti sitwasyon ken liklikan ti hoarding ken saan a nakailintegan a panagngato ti presio ti langis.###
