Suportado ti Philippine National Police (PNP) iti singasing a panagnayon ti quota para kadagiti babbai nga agtarigagay nga agbalin a pulis.
Kenuna ni Police chief General Jose Melencio Nartatez Jr. a silulukatda a mangnayon iti bilang dagiti babbai a pulis.
Immanamong isuna nga agbalin a 20% iti quota manipud iti sigud a 10%.
Ti nasao a singasing ket kalpasan ti pannakaipasa dagiti sumagmamano a singasing-linteg iti Kongreso a mangkidkiddaw ti nalawlawa a partisipasyon dagiti babbai iti law enforcement.
Karaman ditoy ti 43,847 nga uniformed personnels, 8,098 a non-uniformed staff, ken 278 a kadete.
Umad-adu met iti bilang dagiti babbai a pulis nga addaan iti nadagsen nga akem iti PNP manipud iti field operations agingga kadagiti nangato a posision.###
