Inlawlawag ni Batangas 2nd District Representative Gerville Luistro nga iti agdama nga addang ti House Committee on Justice mainaig ti impeachment complaint kontra kenni Bise Presidente Sara Duterte ket saan pay a maysa a panagusig.
Segun kenni Luistro, panggep laeng ti komite nga ammuen no addaan ti “probable cause” wenno umdas a basaran tapno ikeddeng ti panagbasol wenno kinaawan-basol ti Bise Presidente.
Inaramid ti mammanday-linteg iti waragawag kalpasan a saan a dimmar-ay ni Duterte iti naikeddeng a panagdingeg. Laksid daytoy, intuloy ti komite iti panangtalantan kadagiti ebidensya ken isyu a nakapauneg iti reklamo.
Inlawlawag pay ni Luistro nga iti agdama a proseso ti Kamara ket maysa a “clarificatory hearing” laeng, a naisina ken adayo iti aktual nga impeachment trial. No makakita ti probable cause iti komite, maingato ti Articles of Impeachment iti Senado.
Ti Senado iti agserbi nga impeachment court a mangisayangkat ti pormal a panagusig ken agdesision iti kaso.###
