Nainget a banbantayan ti Department of Health (DOH) iti presyo dagiti agas kasaruno ti agraraira nga oil crisis.
Segun kenni DOH spokesperson ken Undersecretary Albert Domingo, agtultuloy iti monitoring bayat a maisaysayangkat dagiti dadduma pay nga addang kas iti inventory checks ken contingency planning, partikular kadagiti ospital ti DOH, tapno masigurado a saan a masinga iti supply ti agas ken medical supplies. Daytoy ket kalpasan a nagpakdaar ti maysa nga ekonomista a posible nga apektaran ti inflation iti sektor ti salun-at gapu ti krisis idiay Middle East.
Innayon pay ni Domingo, kasapulan a siguraduen ti PhilHealth a makasabay daytoy iti manamnama a panagngato ti demand iti serbisyo pangsalun-at.
Kabayatanna, inallukoyna iti publiko nga awatan ti breakdown wenno “unbundling” ti singir kadagiti pribado nga ospital, kangrunaan iti kangitingitan ti panagngato ti presyo gapu ti inflation.
Innayon na pay a mas maawatan ti publiko iti panagngato ti singir no nalawag iti breakdown daytoy, ken mabalin met a tumulong ti DOH babaen ti Zero Balance Billing ken ti PhilHealth babaen ti umno a benepisyo.###
