Impakdaar ti maysa a mammanday-linteg a ti agtultuloy a panagngato ti presio ti liquefied petroleum gas (LPG) ken kerosene ket adda epektona iti taraon.
Segun kenni Senior Citizens party-list Rep. Rodolfo Ordanes, mabalin a bumassit wenno makissayan ti servings a maidasar iti tunggal karinderia.
Innayonna nga iti panagngato ti presio ti lana ket saan laeng a mangapektar iti sektor ti transportasion no di ket pati iti industria ti taraon.
Mabalin met a mapilitan dagiti restauran, panaderia ken dadduma a panganan nga agusar ti uging iti pagluto.
Maipalagip nga iti umuna nga aldaw ti Abril ket naipatungal ti kanayunan a presyo a ₱5 tunggal kilo ti LPG a sinaruno ti kabaruan a ₱5 inton sumaruno a lawas.###
