Nairekord ti Philippine Coast Guard (PCG) iti saan a bumaba ti 200,000 nga outbound passengers para ti intero nga obserbasion ti Holy Week ita a Domingo.
Maibasar iti datos ti PCG, agingga ita ket dimmanon ti 195,257 dagiti outbound passenger bayat nga 167,690 dagiti inbound passenger.
Segun kenni PCG Spokesperson Noemie Cayabyab, ti kaaduan a nairekord a pasahero ket nailista idiay Cebu, Batangas, Aklan, Iloilo, ken idiay Davao.
Manamnama a mangrugi ita a Domingo, Abril 4, agawiden dagiti biyahero idiay Manila gapu iti pannakairugi manen ti orihinal nga oras ti panagtrabaho inton bigat.
Kabayatanna, kenunana pay nga awan unay ti nagbaliwan iti datos ita a tawen no idilig iti Semana Santa idi 2025 a dandani dimmanon iti isu met laeng a bilang dagiti pasahero.###
