Impeksa ti Department of Foreign Affairs (DFA) iti nakaro a panagladingitda iti pannakatay ti maysa a Pilipina kalpasan a tamaan ti missile attack iti maysa a pagtaengan idiay Haifa, Israel idi rabii ti Abril 5, 2026.
Natay met iti insidente ti asawana nga Israeli ken nataengan a katuganganna.
Segun ti ahensia, dagos nga impakaammo ti Philippine Embassy idiay Tel Aviv iti pasamak iti pamilya ti biktima ken agdama a maipapaayan ti amin a kasapulan a tulong, karaman iti panangasikaso para iti napartak a repatriation ti bangkayna iti laksid ti narigat a sitwasyon iti panagdalyasat iti rehion.
Nagkiddaw iti pamilya ti pribado a panawen tapno siuulimek nga agladingit.
Impaganetget ti DFA iti pannakipamaysada iti Filipino community kangrunaan iti panagkararag para ti kararua ken pigsa ti pamilyana iti tengnga ti dakkel a pannakapukaw.
Ti Haifa ket maysa kadagiti kadakkelan a siyudad idiay Israel a masarakan iti amianan a paset ti pagilian. Idi napalabas a tawen, nagbalin daytoy a target dagiti sumagmamano a missile attacks mainaig ti agtultuloy a tensyon iti rehiyon.
Kabayatanna, addaan ti mandato iti ahensia a siguraduen iti kinatalged ken pagsayaatan dagiti Pilipino iti sabali a pagilian, karaman iti panangipaay ti tulong kadagiti biktima ti riribuk wenno didigra.
Iti pakasaritaan, aktibo ti Pilipinas a makipaspaset kadagiti saritaan ken seguridad idiay Middle East, kangrunaan iti nangato a bilang dagiti Overseas Filipino Workers (OFWs) nga agnanaed ken agtrabtrabaho iti rehion.
Ti insidente iti mangipalagip ti peggad a sangsangwen dagiti Pilipino kadagiti pagilian nga addaan ti tension, ken iti kinapateg ti agtultuloy a suposrta ti gobierno iti kinatalgedda.###
