Agtultuloy iti monitoring ti Department of Health (DOH) iti presyo ken supply dagiti agas iti tengnga ti krisis iti langis gapu a pinataud ti agdama a tension idiay Middle East.
Impaganetget ti ahensia a mabalin a ngumato iti presyo dagiti agas, kangrunaan ta saan daytoy a maliklikan aglalo no ingato dagiti manufacturers, ngem impasiguradoda a saan nga agkurkurang iti supply.
Umdas met ken saan nga agkurkurang dagiti stockpile ti agas ti gobierno a naka-standby para kadagiti ospital ken publiko.
Agtultuloy iti serbisyo pangsalun-at kadagiti ospital, Bagong Urgent Care and Ambulatory Services Center, ken dadduma pay a programa ti DOH para iti publiko.###
