Nangipaulog ti subpoena iti House Committee on Justice kontra ti maysa nga opisial ti Commission on Audit (COA) a ni Atty. Gloria Camora tapno pormal a sukimaten iti panagusar ti confidential funds ni Bise Presidente Sara Duterte iti Office of the Vice President (OVP) ken Department of Education (DepEd) idi 2022 ken 2023.
Binilin ni Atty. Camora ti Commission on Audit (COA) a sumango iti panagdingngeg inton Abril 14, 2026, ken mangipasa dagiti orihinal a dokumento, karaman dagiti liquidation report ekn disbursement vouchers.
Kangrunaan nga ipaspasirip ti komite dagiti Documentary Evidence of Payments (DEPs) a naglaun dagiti mapagduduaan a nagan ti payee, karaman ti:
- “Mary Grace Piattos”
- “Milky Secuya”
- “Kokoy Villamin”
- “Irene Tan”
