Inwaragawag ti Islamic Revolutionary Guards Corps (IRGC) ti Iran a “baseless” wenno awanan ti basaran dagiti pangta ni U.S. President Donald Trump, ken impaganetget nga itultuloyda iti makigubat.
Segun kenni Ebrahim Zolfaqari, spokesperson ti Khatam al-Anbiya Central Headquarters ti IRGC, saan a makalapped dagiti saan a nakailintegan a retorika, kinaarogante, ken awanan basaran a pangta ti U.S President nga inawaganda a “delusional” – a nagtaud manipud ti deadlock a sangsanguenna ken nakapamaysa iti panangilinteg dagiti pannakaabak ti US military.
Impangta ti tagapagsarita, a no maulit iti panangraut kadagiti non-civilian targets ket papigsaen ken palawaenda ti retaliatory response.
Manon a daras a nagpangta ni Trump a puntiryaenna dagiti power plants, rangtay, ken dadduma pay nga imprastraktura idiay Iran no mapaay ti Tehran a makitulag wenno luktan ti Strait of Hormuz.
Ti maysa a press conference idi Lunes, imbagana a maparmekda ti Iran iti maysa laeng a rabii ken posible a mapasamak daytoy iti rabii ti Martes.
Immuna metten nga imbagana nga addaan ti Iran ti aginggana Martes, alas-8 ti rabii (Eastern Time) a pawayway tapno makitulag seknan ti nasao a saritaan.###
