BR LA UNION – Nangiruar ti baro a report ti Philippine Institute of Volcanology and Seismology (PHIVOLCS) seknan iti serye ti aftershocks iti Offshore idiay Northern Cebu.
Maibasar iti report ita nga aldaw, Abril 7, 2026, umaboten iti 20,725 ti nai-record a panagdayyeg, karaman ti 3,583 a plotted wenno na-detect ti dua wenno nasursurok a pasilidad ken 99 iti narikna ti publiko.
Dagiti aftershocks ket addaan ti magnitude range a 1.0 agingga 5.8.
Nupay kaadwan dagiti nailista a panagdayyeg ket nakapsot, agtultuloy ti panangbalakad ti PHIVOLCS kadagiti residente nga agtalinaed nga alerto ken nakasagana kadagiti posible pay nga aftershocks.
Ti serye ti gingined idiay Northern Cebu ket maysa kadagiti addaan kapautan a seismic activity a naobserbaran ita a tawen, ken mangipakpakita ti agtultuloy nga aktibidad iti rehiyon.
