Nakastreken iti finals ti horizontal bar iti ubing a gymnast a ni Karl Eldrew Yulo iti maang-angay a FIG Artistic Gymnastics World Cup idiay Croatia.
Naala ni Yulo iti puesto kalpasan a nakaala ti iskor a 13.733 points, a nangited kenkuana ti maikapito a puesto iti qualification round ti nasao nga apparatus.
Daytoy ti maikadua a gundaway a dimmanon isuna iti finals iti Croatia leg, kalpasan a makastrek iti floor exercise finals.
Naituding ita nga aldaw ti floor exercise finals bayat nga inton bigat ti horizontal bar finals.
Agtultuloy a ngumatngato iti performance ni Yulo iti international stage, a mangipapaay ti pammadayaw iti Pilipinas iti tay-ak ti gymnastics.###
