Papartaken ni House Speaker Faustino Dy III iti pannakaipasa dagiti gakat a mangtaming iti nangato a presio ti lana, a manamnama a nakasaganan inton agsubli ti sesion inton Mayo 4.
Idauluan daytoy ti LEAD Council, maysa a grupo dagiti komite a nairanta a mangilatag ti dagus a tulong ken napaut a reporma.
Segun kenni Marikina Rep. Miro Quimbo, agtultuloy ti panagtrabaho dagiti mammanday-linteg uray no ag-break ti Kongreso tapno masigurado nga addaanen ti konkreto a solusion iti pannakalukat ti sesion.
Karaman kadagiti singasing iti suporta para kadagiti electric vehicle ken dadduma pay nga alternatibo kadagiti fossil fuels, kasta met ti panangipaay kadagiti insentibo tapno makaallukoy ti panagpuonan manipud iti pribado a sektor.
Panggep ti Kamara a mapalag-an iti epekto ti nangato a presio ti lana ken mapatalged iti sektor ti enerhia ti pagilian.###
