Rinugyanen ti US military iti blockade kadagiti Iranian ports ita a Lunes, Abril 13, kalpasan a nagkedked ti Iran a sumuko iti laksid dagiti pakdaar.
Segun iti US Central Command, ipatungpalda ti blockade pauneg ken paruar ti Iranian ports inton rabii alas-10 ti bigat eastern time wenno alas-onse ti rabii Manila time.
Nupay kasta, inlawlawag ti US military a saanda a lapdan dagiti barko a lumasat iti Strait of Hormuz, nga agbiahe nga agturong ken agawid iti sabali a pagilian.
Inaramid ti US military iti statement kalpasan nga inwaragawag ni US President Donald Trump a mangipatungpalda ti blockade iti nasao a dalan para kadagiti barko a nagkarga ti langis ken impangtana a lapdan ti Estado Unidos ti amin a barko a sumrek ken rummuar iti Hormuz.
Nagpakdaar met ti Revolutionary Guard ti Iran nga iti iyaasideg dagiti militaru vessels iti Hormuz Strait ket maibilang a panaglabsing iti agdama a ceasefire ken inkari a tamingenda a naimbag daytoy.###
