Nailako ti $905,000 wenno nasurok ₱50 million iti life jacket nga insuot ti maysa a survivor ti limned a Titanic.
Daytoy laeng ti life jacket manipud iti Titanic a nailako iti auction kalpasan ti 114 a tawen sipud idi limned ti barko.
Inlako dayta ti Henry Aldridge & Son idiay Devizes, Wiltshire, England.
Insuot daytoy ti first-class passenger a ni Laura Mabel Francatelli, maysa kadagiti nasurok-kumurang 700 a pasahero a nakalasat idi 1912, sakbay a naglugan iti lifeboat. Pinirmaanna ti nasao a flotation device, nga addaan ti 12 a bulsa ken addaan iti shoulder rest ken side straps.
Karaman met a nailako iti auction ti seat cushion manipud iti lifeboat ti Titanic iti gatad a $27,000.###
