Nangipaay iti aktres ken host a ni Kim Chiu ti tulong kadagiti tricycle driver kas paset ti selebrasion ti maika-36 a panagkasangayna. Nangited daytoy ti libre a gasolina ken grocery packs.
Iti social media post ti aktres, inbinglayna ti mensahe: “Birthday charity sa mga jeepney and tricycle driver!” bayat nga umad-adu ti rimmuar a retrato ken estoria dagiti benepisiario manipud kadagiti netizens.
Saan a baro daytoy iti aktres, a pagaammo gapu iti tinawen a charity initiatives tunggal panagkasangayna. Immuna metten a timmulong isuna kadagiti Aetas idiay Zambales ken nangipaay iti construction materials kadagiti naapektaran ti ginggined idiay Cebu.
Nangipeksa ti panagyaman dagiti nakaawat ti tulong ken kenuna a dakkel a banag iti simple a suporta nangruna iti kangitingitan ti kanayon a panagngato ti presio ti gasolina ken rigat iti trabaho.
Kabayatanna, nagbalin nga emosional ni Kim kabayatan ti selebrasionna, no sadino inbinglay na ti birthday wish para iti “ultimate happiness” ken nagyaman iti suporta dagiti fans ken ti pamiliana.###
