Pinunas ti Department of Trade and Industry (DTI) iti panagbuteng ti publiko nga adda ti manamnama a panagngato ti presio ti sardinas iti merkado.
Segun kenni Trade Secretary Cristina Roque, awan ti kinapudno dagiti agwarwaras nga espekulasyon mainaig iti price increase.
Sakbayna, rimuar iti report a kiniddaw ti Southern Philippines Deep Sea Fishing Association iti pannakaingato ti presio ti 155-gramo a lata ti sardinas manipud P15 agingga iti P31.
Nupay kasta, inlawlawag ti ahensia nga awan pay ti opisial a diskusion wenno kiddaw manipud iti aniaman a canning company. Kinunana a naikeddeng pay laeng ti panagtaripnong ti ahensia kadagiti manufacturers inton weekends.
Immuna nga inwaragawag ti DTI a napawaywayan agingga Mayo 10 iti pannakaipatungpal ti price freeze kadagiti kangrunaan a tagilako.
