Nangisayangkat ti Daily Accounting ken Police Information Continuing Education (PICE) iti Balaoan Municipal Police Station (MPS) idi kalman, Abril 25, 2026.
Daytoy a ganuat ket naaramid iti sidong ti panangidadaulo ni PMAJ Dimsy A. Pitan, Officer-In-Charge ti nasao nga istasion.
Iti pre-deployment briefing, natalantan ti kinasagana iti didigra, panangipatungpal dagiti pagalagadan, direktiba, ken memorandum manipud iti nangatngato nga opisina.
Napagsasaritaan pay ditoy dagiti ganuat, isyu, ken parikut a sangsangoen ti tunggal personnel tapno masiguro iti nasaysayaat ken epektibo a serbisio publiko. (Report by Bombo Jordan)
Photo Courtesy: Balaoanps Luppo
