Ilunglungalong ni Senador Sherwin Gatchalian iti gakat a mangiparit kadagiti ubbing nga awan pay 16 ti tawenda nga agusar ti social media ditoy Pilipinas.
Iti sidong ti Social Media Safety for Children Act, maiparit iti panagaramid ken panagusar kadagiti account dagiti menor de edad tapno masalaknibanda manipud kadagiti peggad ti online world.
Nabilin dagiti social media companies a mangipatungpal ti age verification ken regular nga agaudit tapno mabigbig ken ma-deactivate ti accounts dagiti ubbing.
Imatonan ti Department of Information and Communications Technology iti pannakaipatungpalna.
No aglabsing, mabalin a mamulta dagiti kompania ti ₱1M–₱10M tunggal panaglabsing, ken kanayonan a P100 iti kada aldaw bayat nga agtultuloy daytoy.###
