Abanten iti finals ti Britain’s Got Talent ni Matty Juniosa kalpasan a nakaala manen ti golden buzzer manipud iti maysa kadagiti judges a ni Amanda Holden.
Nakagun-od pay isuna ti standing ovation gapu ti naisangsangayan a renditionna ti “Dream On” ti Aerosmith, a nangpabilib kadagiti judges ken audience.
Naangay iti semifinals ti nasao a talent show ita nga aldaw, Abril 26 (oras ditoy Pilipinas).
Daytoyen ti maikadua a golden buzzer ni Juniosa, nga iti umuna ket manipud kenni Simon Cowell kabayatan ti panag-audition.
Ditoy Pilipinas, immuna isuna a naam-ammo ti publiko kalpasan ti pannakisalipna iti season one ti “Idol Philippines” ken nagleppas iti Top 12.###
