Insingasing ni Senador Imee Marcos babaen ti Senate Bill No. 2067 iti pannakaitantan ti Barangay ken Sangguniang Kabataan Elections (BSKE) manipud Nobiembre 2026 agturong iti Oktubre 2027.
Panggepna a maliklikan ti nababa a bilang dagiti botante gapu iti nangato a plete nga ingubuay iti panagngato ti presio ti krudo.
Maibasar iti singasing, agtalinaed dagiti agdama nga opisial tapno maituloy ti serbisio ken masungbatan iti pagkasapulan ti komunidad iti baet ti krisis.
Mapattapatta a dumanon ti ₱16 billion iti gastos para ti BSKE, malaksid pay iti pondo ti PNP, DepEd, ken lokal a gobierno. Naisingasing a maipaay nga umuna daytoy kadagiti kangrunaan a kasapulan kas iti taraon ken krudo.
Mainayon pay, kasaruno ti Undas iti eleksion isu a manamnama iti panagngato ti bilang dagiti agbibiahe ken panagngato ti plete.
Naipaganetget met iti kinapateg ti Undas kas panawen ti pananglaglagip, isu a nasaysayaat no rambakan daytoy nga awanan ti pannakasinga ti eleksion ken panangpulitika.###
